سجّل الحين
سجّل الحين
الفرق بين الاثنين هو البراند. في 3 أيام أونلاين تبني اتجاه براندك الكامل، بدون خبرة تصميم ولا برامج.
ما تقدر تحضر يوم؟ كل الجلسات بتتسجل وتوصلك، ومعاك المتابعة الشخصية بعدها.
أغلب أصحاب البزنس والمصممين يحسبون البراند مصروف تجميلي. لكن الواقع؟ إن البراند الضعيف يكلفك فلوس كل يوم، تدفعها بخصومات، بإعلانات ما تثبت في الذاكرة، وبزباين يختارون غيرك وهم ما يدرون ليش.
دفعت على شعار… وبعد شهر حسّيت إنه «مو هو»، لأن ما فيه استراتيجية تحته.
زبونك يقارنك بالسعر بس، لأنه ما شاف فرق ثاني يقارن فيه.
براندك يشبه الكل والزبون ما يحفظ اللي يشبه الكل.
منافس أضعف منك ياخذ عملاءك، بس لأن شكله أوضح منك.
البراند مو شعار.
البراند طريقة تفكير، والشعار بس نتيجة لها.
خلال 3 أيام، ما راح تطلع بس بأفكار. راح تطلع بـقرارات واضحة، مخرجات جاهزة، واتجاه تعرف تبني عليه براندك.
هويات بنيتها لبراندات تعرفها وتثق فيها. شنو يعني هذا لك؟ إن الطريقة اللي بتتعلّمها مجرّبة في السوق الحقيقي، مو نظرية من كتاب، ومو محتوى يوتيوب معاد. نفس الخطوات اللي بنيت فيها هذي البراندات، بتمشي عليها أنت على براندك.
الطريقة اللي وراها، هي اللي بتتعلّمها.
خذ ملف «٥ أسئلة تحدد اتجاه براندك» مجاناً، وبأرسل لك تفاصيل الورشة.
الاستوديوهات الكبيرة، أمثال Pentagram وInterbrand، ما تبدأ بالشعار. تمشي على خريطة من 6 مراحل، وتتقاضى عليها بعشرات الآلاف. هذه نفس الخريطة اللي بنمشي عليها مع بعض، مرحلة مرحلة، بس هني أنت اللي تبني:
هذا مو المحتوى، هذه عناوين بس. التفاصيل، والقوالب، والتطبيق بيكون على براندك أنت: داخل الجلسات المباشرة.
هذه مو ورشة «معلومات» تنساها بعد أسبوع. كل ساعة من التسع لها مخرَج تلمسه بيدك، وكل مخرَج مبني على بزنسك أنت. مو أمثلة عامة.
بحث Primary + Secondary: سوقك، عميلك، ومنافسينك، الأساس اللي تبني عليه القرارات.
الـ positioning: وين واقف براندك، وحق منو، وشنو يفرقه عن المنافسين؟
الفكرة الكبيرة اللي يقوم عليها براندك، المعنى قبل الشكل.
ترجمة المفهوم لشكل، سكتشات واتجاه بصري تبني عليه هويتك.
أي خط يناسب براندك، وليش؟ وشنو يحس فيه عميلك؟
شلون تختار ألوان براندك بمنطق، الإحساس اللي توصله. مو ذوق عشوائي.
ملف اتجاه الهوية الكامل، جاهز إنك تنفّذه بنفسك أو تسلّمه لمصمم.
لحضور الورشة فقط، أولوية تقديم على الكوهورت القادمة.
تطلع وبيدك اتجاه براندك، جاهز للتنفيذ، مو مجرد أفكار.
3 جلسات مباشرة (لايف) على Zoom، مو كورس مسجّل جاهز، مع جلسات breakout للمتابعة الشخصية 1:1. تبني براندك خطوة بخطوة معاي مباشرة، وكل الجلسات بتتسجل وتوصلك مع المواد والقوالب بعد الورشة.
مكثّف عن قصد. 3 ساعات في اليوم، بدون حشو. تطلع وأنت بنيت اتجاه براندك، مو وأنت تعبان.
«اللي تبنيه في 3 أيام هو اتجاهك الكامل. وفيه نسخة أعمق للي يبي يتخصص أكثر.»
في آخر الورشة، تعرّف على The Strategic Designer · Cohort III كخطوتك الجاية، بأولوية تقديم لحضور الورشة.
نقولها بصراحة عشان الناس الصح يلتزمون، والناس الغلط يوفّرون فلوسهم ووقتهم.
مصمم جرافيكي حاصل على درجة البكالوريوس في التصميم الجرافيكي من الجامعة الأمريكية في الكويت، وحاصل على شهادة Adobe Certified Professional in Visual Design. مصمم حائز على جوائز، ودرّب أكثر من +935 شخص في مجالات التصميم والتفكير الإبداعي.
يؤمن مساعد أن التصميم الحقيقي ما يبدأ من الشعار، بل من فهم البراند، جمهوره، رسالته، والمكانة اللي يبي يبنيها في السوق. يركّز في طرحه على أن الهوية البصرية مو مجرد ألوان وخطوط، بل أداة تخلي البراند أوضح، أقوى، وأسهل في التذكّر والاختيار.
«مو بس مصمم يعرف البرامج، مصمم يعرف شلون يُبنى البراند من الاستراتيجية للهوية.»
مو مصممين بس، ناس من كل المجالات تعلّموا الطريقة وطبّقوها.
Musaed was my student at the American University of Kuwait in Typography and Arab Design History. He's creative, dedicated, and consistently stood out among his peers. He's collaborative, reliable, and presents both himself and his work with excellence.
مساعد اخويه وصديق رحلتي، بكان أحد الأسباب وأبرزها اللي قوه منظوري للمجال الفني. بسببه الآن انا فاهم ان أي مجال فني ما يرتبط فقط فكيف تستخدم برنامج معين، بل هي مفاهيم وطريقة تفكير، تطبقها بحياتك أو حتى مجال مختلف. مثل ما انا طبقتها في مجال تطوير الألعاب
مساعد أستاذ فاهم ومتمكن، وطريقة شرحه جداً سهلة وواضحة، تحس كأنك قاعد مع صديق وأخ يشرح لك، مو بس أستاذ. تقدر تتواصل معاه بأي وقت، وما يحسسك أبداً إن في حاجز بينكم. بالبداية كنت أعتقد إن التصميم بس برامج وخلاص، بس من بعد ما دخلت مع مساعد، فهمت إن المجال أعمق بمراحل. خلاني أتعمق بكل أبواب التصميم، وفعلاً ما ندمت لحظة إني اخترت هالتخصص الجميل
مساعد كمدرب متعاون جدًا وما قصر معاي من ناحية أسئلتي واستفساراتي، خبرته ممتدة في مجال التصميم وأعماله مميزة.. هو من الأشخاص اللي تتناقش معاه ويكون النقاش مليء بالفائدة والإلهام وشخص داعم لغيره وما يبخل في مشاركة معلومة. شخص يشتغل على نفسه وملم بالتطورات والتغييرات في مجاله وشغله احترافي ومتمكن، وبصراحة من الناس اللي تستمتع في العمل معاه ولي الشرف في معرفته
أنا ما أبيعلك حضور، أبيعلك نتيجة: ملف اتجاه براندك، كامل، جاهز للتنفيذ. وعشان جذي الضمان إن النتيجة نفسها ما لها مهرب: إذا خلصنا الأيام الثلاثة وملفك مو جاهز، أقعد معاك أنا وأنت بعد آخر جلسة، لين تخلص. مهما طوّلت. بدون فلس زيادة. أنت تجيب براندك وجديتك، وأنا أضمن إنك ما تطلع بإيد فاضية. الخطر عليّ، مو عليك.
تبي استراتيجية براندك تكون مبنية صح؟ عندك طريقين تقدر توصل من خلالهم. قارن بنفسك:
الاستوديو يبيعلك السمكة بآلاف.
الورشة تعلّمك الصيد، وتطلع بالسمكة بعد.
أنت مو داخل «ورشة»، أنت طالع بـنظام كامل: الملف + الطريقة + الدعم بعد الورشة. لو رحت تجمع نفس المخرجات من السوق، هذي فاتورتها:
خذ ملف «٥ أسئلة تحدد اتجاه براندك» مجاناً، جاوب عليها بنفسك، وشوف وين براندك واقف اليوم.
لا أبداً. الورشة لأصحاب البزنس والفاوندرز، مو للمصممين بس. أنا أعلّمك طريقة التفكير والاستراتيجية، وأنت تبني اتجاه براندك معاي خطوة خطوة.
لا. مو ورشة برامج. نركّز على الاستراتيجية والتفكير والاتجاه. تطلع باتجاه هوية جاهز تسلّمه لأي مصمم ينفّذه، أو تنفّذه بنفسك لاحقاً.
اتجاه استراتيجي كامل لبراندك: positioning، مفهوم، منطق تايبوغرافي وألوان، سكتشات، وdirection brief جاهز للتنفيذ. تطلع عارف بالضبط شنو هو براندك وليش.
تطلع باتجاه كامل جاهز للتنفيذ، استراتيجية، مفهوم، وbrief واضح. التنفيذ النهائي (الملفات الجاهزة) تسويه بنفسك أو تسلّمه لأي مصمم، والاتجاه بيكون واضح إنه يقدر يشتغل عليه أي أحد.
تقدر، وهذا شغلي أصلاً وأعرف قيمته. بس احسبها: استوديو محترم بياخذ 1,500–5,000+ دينار، وتنتظر 6–12 أسبوع، وتستلم ملف ما تعرف شلون انبنى، وأي تعديل بعدين بفاتورة جديدة. هني تدفع 95، وتطلع بنفس الملف بعد 3 أيام، والأهم: الطريقة تصير ملكك. أي مشروع ياي، أي تعديل، ما ترجع تدفع من الصفر.
إذا عندك فكرة واضحة ونية جدية تطلقها، هذا أفضل وقت تدخل فيه. تبني براندك صح من قبل ما تصرف دينار واحد على تصميم غلط. وإذا مشروعك قائم من سنين؟ بتصلح اللي انبنى على ذوق بدون استراتيجية، وبتعرف بالضبط شنو تخلي وشنو تغيّر.
3 جلسات مباشرة على Zoom، تحضرها من أي مكان. تشتغل وتبني براندك مباشرة معاي، وفيه جلسات breakout للمتابعة الشخصية 1:1.
إي، الورشة أونلاين بالكامل. تحضر من أي مكان في العالم.
لايف مباشر، مو كورس مسجّل جاهز. تحضره مباشرة عشان تبني براندك وتاخذ متابعة شخصية، ويتسجّل لك عشان ترجع له بأي وقت.
مباشرة وآمن عبر uPayments — KNET، بطاقات الخليج، Visa، Apple Pay، Google Pay. تدفع، وتوصلك رسالة تأكيد فوراً.
اي نعم، طالما انت مسجّل راح تستلم جميع الملفات المتعلقة بالورشة بما فيها التسجيل.
الأيام مترابطة، كل يوم يبني على اللي قبله. الحضور الكامل ضروري عشان تطلع باتجاه كامل. لو عندك ظرف، كلّمني قبل.
مقعدك قابل للتحويل لأي شخص بأي وقت. والاسترجاع متاح لين 7 أيام قبل الورشة. وإذا قرّبت أقل من 7 أيام، يتحوّل لرصيد تستخدمه في Cohort III أو ورشة جاية.
الأولى: براندها واضح، يفرق عن كل منافسينها، وعندها ملف يحسم كل قرار تصميم ياي. الثانية: نفس مكانها اليوم، تنافس على السعر، وتدفع ثمن الغموض كل شهر. الفرق بين الثنتين؟ 3 أيام. 1-2-3 أغسطس · أونلاين مباشر · 25 مقعد بس، عشان المتابعة الشخصية.
سجّل الحين، 95 KD